Ф1
18. December 2018 - 21:46

Ферари не го заборави Михаел: Еве како италијанскиот тим ќе го одбележи 50. роденден на Шумахер

Германскиот возач го возеше болидот на италијанскиот тим од 1996 до 2006 година и освои пет, од вкупно 7 титули.

Во Ферари не го заборавија ни сега, па во Маранело ќе организираат поставка со најзначајните слики од кариерата на Шуми.

„Михаел има посебно место во историјата на Ферари“, се наведува во соопштението на италијанската екипа.

Изложбата ќе носи име „Михаел 50“.

Шумахер на крајот на декември 2013 година по падот на скијање на француските Алпи се здоби со тешки повреди на главата од кои се уште се опоравува.