Ердоган: Турција ќе го плаќа рускиот гас во рубљи
– Турскиот претседател Реџеп Тајип Ердоган денеска, по враќањето од Сочи, изјави дека Турција ќе го плаќа рускиот гас во рубљи.
– Позитивен аспект од нашата посета на Сочи е договорот со господинот (рускиот претседател Владимир) Путин за плаќање во рубљи, изјави Ердоган на новинарите по враќањето од Сочи каде што се сретна со Путин.
Двајцата претседатели се договориле испораките на руски гас за Турција „делумно да се плаќаат во рубљи“, соопшти синоќа вицепремиерот на Русија Александар Новак.
Ердоган не го прецизираше обемот на идните трансакции во рубљи.
Со месеци Русија се обидува да ја наметне сопствената валута за плаќањето на гасот поради санкциите што ги воведоа западните земји поради нејзината инвазија на Украина.
Иако брзо ја осуди руската офанзива, Турција се одлучи за неутралност и не се приклучи на западните санкции против Москва.
Во 2021 година, Русија обезбедуваше околу една четвртина од увезената нафта на Турција и 45 отсто од природниот гас.
Ердоган и Путин во Сочи се договорија и за зајакнување на енергетската и економската соработка.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација