Ердоган го ратификуваше предлог-законот за уставни измени
Турскиот претседател Реџеп Таип Ердоган го ратификуваше предлог-законот за уставни измени, што го отвораат патот за одржување на референдум во април, јави турската телевизија „Си-Ен-Ен-Турк“.
Турскиот парламент на 21 јануари одобри пакет-амандмани, што ако биде усвоен на сенородното гласање напролет, ќе доведе до драматични промени во политичкиот систем на Турција.
Пакетот, што вкупно содржи 18 членови, „ќе стави во рацете“ на претседателот широки извршни овластувања.
Откако текстот ќе биде објавен во турскиот Службен весник, ќе започне да тече 60-дневниот рок.
Во првиот ден - недела по истекувањето на рокот, ќе се одржи референдумот за промените.
Турскиот вицепремиер Нуман Куртулмуш изјави дека референдумот веројатно ќе се одржи на 16 април.
- Верувам дека (реформите) ќе добијат голем број гласови и ние ќе се придвижиме кон подобар модел на управување, нагласи Куртулмуш.
Пакетот за уставни промени беше одобрен со гласовите на крајнодесничарската Партија на националистичко движење на Девлет Бахчели.
Другите две опозициски сили се против промените, стравувајќи дека тие ќе дадат премногу моќ во рацете на претседателот и ќе го нарушат принципот за поделба на власта.
Претседателот Ердоган ја заштитува тезата дека реформите ќе доведат до силно лидерство, што е неопходно за да се спречи враќањето на власта на нестабилните коалициски Влади од минатото.
Кампањата „за“ и „против“ промените започнува во услови кога поддржувачите на реформите имаат предност.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово