Балкан
6. January 2016 - 15:16

Ердоган: Егзекуциите во Саудиска Арабија се внатрешно прашање на земјата

Турскиот претседател Реџеп Таип Ердоган изјави денеска дека егзекуциите во Саудиска Арабија се внатрешно прашање на земјата.

Тој ова го изјави откако сунитското кралство во саботата меѓу другите го егзекутира и познатиот шиитски духовен водач Нимр ал Нимр, што предизвика бран протести во регионот. 

Во обраќање пред претставници на локалната власт Ердоган истакна дека „оние, кои молчеа за смртта на голем број луѓе во граѓанската војна во Сирија, сега креваат врева заради егзекуцијата на еден човек од Саудиска Арабија“. 

Изјавата на Ердоган е во спротивност со изјавата на владиниот портпарол Хуман Куртулмуш, кој во понеделникот изрази жалење поради егзекуцијата на шиитскиот верски лидер.