Ракомет
20. January 2018 - 18:02

ЕП - Хрватска 2018: Пешевски: Сега сме подобро подготвени од лани

Одличен шампионат во Хрватска игра Жарко Пешевски, македонскиот пикер одлично се надополнува со Стоилов и со Никола Маркоски и секој го одработува својот дел задачата. Пред дуелот со Шпанија Жарко Пешевски изјави:

- Веќе два дена се подготвуваме за Шпанија, иамме добри видео анализи, разработуваме тактика и една по една ги составуваме коцките. Шпанија е многу силна и опасна репрезентација. Верувам дека полека доаѓаме до фаза во која можеме да кажеме дека сме спремни за нив. 
Пред една година во Мец, не бев во составот. Дуелот го следев од трибини, одличен меч на нашиот тим. Игравме седум на шест и бевме во игра 50 минути, мислам дека на овој меч ќе бидеме на исто ниво. Без разлика дали ќе играме седум на шест или шест на шест, сега сме поспремни за нив отколку минатата година.