ЕК ја следи состојбата со коронавирусот
За сега нема потврдени случаи од заболени од кинескиот коронавирус во земјите на Европската Унија, но Комисијата од блиску го следи развојот на настаните, изјавија денес прес службите на ЕК.
-Во соработка со земјите членки од блиску ја следиме ситуацијата со неколку случаи на пневмонија, за сега потврдени случаи има во Кина, Тајланд, Јужна Кореја и Австралија, имаше состанок на 17 јануари 20 земјите членки на кој се разговараа можни мерки но Европската Комисија ќе организира уште еден состанок деновиве откако проценката за ризикот биде објавена, изјави портпаролот на ЕК задолжен за здравството.
Европската Комисија не одговори да има доверба во информациите кои и ги даваат кинеските власти, но рече дека состојбата се следи и преку други канали, не само официјалните кинески.
Светската здравствена организација засега не препорача рестрикции врз патувањата во Кина, но се советува да се ограничат контактите со одредени животни и да се консумира само добро пржено месо.
Речиси 300 лица се заразени од овој вирус од крајот на декември до денеска, од кои шест лица починаа. Најголемиот број заболени лица се наоѓаат во централна Кина, првото лице почина на 11 јануари.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка