Единаесет кандидати за нов директор на ФБИ, разговорите во тек
Американскиот претседател Доналд Трамп изјави денеска дека сака брзо да именува нов директор на ФБИ, на местото на досегашниот директор Џејмс Коми.
За функцијата се пријавиле 11 кандидати, а во тек се разговорите со нив.
Трамп истакна дека постои можност одлуката за новиот директор на ФБИ да ја донесе пред да тргне следната недела на своето прво патување надвор од земјата, откако стана претседател на САД.
За денеска се планирани разговори со четворица кандидати, а првата кандидатка, Алис Фишер, веќе е интервјуирана во траење од околу час и половина, додека останатите тројца ќе бидат интервјуирани во текот на денов.
Алис Фишер беше помошник на јавниот обвинител за криминалистичкиот сектор под мандат на поранешниот претседател Џорџ Буш. На чело на ФБИ досега не била поставена жена.
Останатите тројца кандидати, кои денеска ќе бидат интервјуирани се сегашниот в.д. директор на ФБИ, републиканецот Ендрју Мекејб, судијата на њујоршкиот Висок суд, Мајкл Џ. Гарсија и републиканскиот сенатор од Тексас, Џон Корнин, кој е заменик-претседател на Сенатот и поранешен јавен обвинител.
Интервјуата со кандидатите ги водат јавниот обвинител Џеф Сешенс и неговот заменик Род Розенстајн.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово