Loading Video...
Ракомет
2. April 2021 - 12:57

Е. Пелистер утре гостува кај Тартран Прешов

Утре свој настап во регионалната СЕХА лига ќе имаат ракометарите на Еурофарм Пелистер
 
Во рамките од А групата на СЕХА лигата, ракометарите на Еурофарм Пелистер ги очекува тешко гостување во Словачка, кај составот на Татран Прешов. 
 
И покрај згуснатиот распоред, бројните патувања и проблемите во составот, пелистерци очекуваат дека ќе успејат да ја остварат и четвртата победа во петиот свој настап сезонава во регионалната лига 
 
„Минуваме низ тежок период, играме доста натпревари и густ е распоредот. Многу патуваме, па мора да играме и не е лесно. Сега се натпреваруваме и во Купот на Македонија и во плеј-офот. Се подготвуваме и знаеме каков состав има Татран Прешов. Со било каков состав да патуваме верувам дека ќе извојуваме победа и ќе го надминеме овој тежок период во кој врзавме три порази. Верувам дека ќе почнеме позитивна серија и ќе се издигнеме. Очекуваме дека Татран ја анализирал нашата игра, играат на домашен терен и ќе ни се спротистават. Не смееме да потфрлиме и верувам дека ќе се вратиме со победа“, вели  Ненад Костески 
 
Натпреварот меѓу Татран и Еурофарм Пелистер ќе се игра утре со почеток од 17 часот и 45 минути