Живот
5. July 2016 - 9:52

Џои Честнат си ја врати титулата во брзо јадење хот-дог, постави и нов рекорд

Американецот Џои Честнат си ја врати шампионската титула во брзо јадење хот-дог.

Триесет и две годишниот жител на Сан Хозе, Калифорнија изеде вчера 70 хот-дог сендвичи за десет минути на меѓународен натпревар по повод Денот на независноста на САД.

По традиција, натпреварот за најбрзо јадење хот-дог се одржува на Кони Ајленд во Бруклин, Њујорк.

Честнат, наречен - Ајкула, стана шампион по десетти пат враќајќи си ја титулата која минатата година ја доби Мат Стоуни, исто така од Сан Хозе кој успеа да изеде 62 сендвича хот-дог за 10 минути.

Претходно, Честнат осум години по ред беше неприкосновен на натпреварот.

Пред машкиот турнир, имаше и натпревар за жени. На него победи 30-годишната Мики Судо од Лас Вегас која за 10 минути успеа да изеде 38,5 сендвичи хот-дог и трета година по ред е шампион.

Чеснат и Судо ќе добијат награда од по 10.000 долари и шампионски појас со боја на сенф.