Џиновски печурки повторно пронајдени во атарот на делчевските села
Дождот кој пред неколку дена го зафати делчевскиот регион повторно придонесе за зголемена појава на печурки. Собирачите на печурки велат дека појавата била изразена за викендот, особено во атарот на селата кои се наоѓаа во долниот тек на река Брегалница, а во текот на денешниот ден е пронајдена џиновска печурка тешка околу 1,7 килограми.
– Ги има претежно во шумите кои изобилуваат со дабови насади. Таму може да се сретнат вргањ и лисичарка. Мене денес ме послужи среќата да најдам печурка тешка 1.670 грама, што е една од поголемите кои ги имам пронајдено годинава, вели собирачот на печурки, Валери Цветковски од делчевското село Стамер.
Сепак, како што додаваат откупувачите на печурки, поради долготрајниот сушен период во месец мај, годинава е послаба од минатата година.
– Иако и сега вршиме откуп, сепак далеку сме од нивото на минатата година кога имавме два до три тони откуп неделно, велат откупувачите.
Цените годинава се движат од 100 до 120 денари за килограм суров вргањ, што според печуркарите од Пијанечкиот регион е задоволителна цена, ако се има во предвид слабата сезона.
Популарно од Македонија
Ново на Сител
-
Транспаренси интернешнл: Македонија е далеку под 50-те земји кои гарантираат борба со корупција
-
Комунална полиција - потенцијално решение за ѓубрето и воспоставување ред во главниот град
-
Од Фондот за здравство уверуваат дека од нивна страна нема доцнење на исплатите за породолно
-
Преглед на вестите од светот
-
Мицкоски ќе присуствува на Комисијата за човекови права закажана по барање на родителите на загинатите во Кочани
-
Стартува пленарната расправа за буџетот за следната година
-
Преку онлајн иницијатива СДСМ ќе се бори против отворање на мигрантски кампови во Македонија
-
Врнежите ја пролонгираа есенската сеидба
