Македонија
25. September 2018 - 13:16

Две нови возила за интерклинички транспорт на пациенти во комплексот клиники „Мајка Тереза“

 Две нови специјално модулирани возила, соодветно опремени и климатизирани за интерклинички транспорт на пациенти во комплексот клиники „Мајка Тереза“ во Скопје, со кои ќе се придонесе за подобар нивен третман, набави Министерството за здравство. 

Целта на оваа набавка, соопштија од Министерството за здравство, е да се обезбеди квалитетен пренос на пациенти, нивна заштита од надворешните временски влијанија, како и третман на нивното здравје и нега при транспортот.

Дополнително, со користењето на двете нови возила за транспорт се обезбедува здравствена заштита и заштита на приватноста на пациентите при транспортот. Реализацијата на оваа набавка значи дека пациентите нема повеќе да се пренесуваат физички, на носилки од една до друга клиника. Возилата се дел од Службата за заеднички работи, ќе се користат за транспорт на пациенти од една до друга клиника и ќе бидат користени исклучиво во рамки на комплексот клиники „Мајка Тереза“ во Скопје, стои во соопштението