Балкан
23. July 2021 - 9:16

Двајца министри од привремената влада ќе бидат сослушани во бугарскиот Парламент за барањето за разрешување на главниот обвинител

Денешната седница на бугарскиот Парламент ќе почне со сослушување на двајца министри од привремената влада, кога пред пратениците ќе треба вршителите на должноста министри за внатрешни работи, Бојко Рашков, и за правда, Јанаки Стоилов, ќе дадат информации за поднесеното барање за предвремено разрешување на бугарскиот главен обвинител, Иван Гешев .

Како што потсетува дописникот на МИА од Софија, предлогот за разрешувањето на Гешев до Високиот судски совет го достави министерот Стоилов, но е изготвен врз основа на извештајот на министерот за внатрешни работи, Бојко Рашков.

Во дописот на министерот за внатрешни работи на Бугарија се наведува дека главниот обвинител незаконски откривал податоци од прислушувани разговори, посветувајќи посебно внимание на акцијата на Главното обвинителство во претседателството од минатото лето, по која почнаа протестите.

Високиот судски Советот одби да ја почне постапката за смена на главниот обвинител, гласајќи 12: 8 против предлогот на привремениот министер Стоилов.