ДС повикува да се преземат заштитни епидемиолошки мерки

Демократскиот сојуз, повикувајќи се на разговори со граѓани од поплавените подрачја и на мислења на експерти, укажува на неопходност од преземање заштитни епидемиолошки мерки за да се спречи појава и ширење на заразни болести.

- Во таа насока треба да се разгледа и можноста за дезинфекција на сите возила кои влегуваат и излегуваат од подрачјата кои се загрозени, како и други превентивни мерки. Исто така, неопходни се дневни насоки за заштита на населението и за тие кои се вклучени во давање помош, како и конкретна помош за спречување појава на болести, соопшти Демократскиот сојуз.