Договорена нова декларација за независност на Каталонија
Три партии кои се залагаат за независност на Каталонија, кои имаат 70 од вкупно 135 места во регионалниот Парламент во Барселона, се согласија за текст на резолуција со која планираат да го продолжат „патот кон самоопределување“.
Со тоа дадоа заеднички одговор на пресудата на шпанскиот Врховен суд, кој пред 11 дена осуди дванаесет каталонски лидери поради организирање на забранет референдум за независност во 2017 година. Декларацијата не е обврзувачки документ, но каталонските заговорници за независност со неа сакаат да покажат дека изјаснувањето на референдумот е волја на народот. Во текстот „се брани правото на самоопределување и суверенитет на народот на Каталонија, да може да ја одреди својата политичка иднина“.
Партиите „Заедно за Каталонија“, „Каталонска републиканска левица“ и „Кандидатура на народното единство” резолуцијата ќе ја испратат на гласање во каталонскиот Парламент, и ќе ја усвојат со оглед на тоа што имаат мнозинство. Таа е спротивна на одредбата на Врховниот и Уставниот суд кои со во своите пресуди наведоа дека шпанскиот Устав не дозволува референдум за независност. Претседателот на каталонскиот Парламент Роџер Торент одобри гласање за декларацијата.
– Ќе ги преземеме сите можни последици, правни и лични, со цел во Парламентот да може да се зборува за се, изјави Торент.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп