Доделени признанијата 8-ми ноември за Денот на ослободувањето на Штип
По повод 8. Ноември-Денот на ослободувањето на Штип денеска на свечена седница на Советот на Општина Штип на Лидија Коцева раководдител на водоводниот систем во ЈП „Исар“, на универзитетскиот професор Марија Емилија Кукубајска и на балканскиот и европски шампион во карате Емил Павлов им беа врачени признанијата 8-ми Ноември.
Градоначалникот на Општина Штип, Илчо Захариев во своето обраќање истакна дека 8. Ноември како значаен датум од историјата, во актуализирана смисла ја потврдува способноста и борбеноста на штипјани, и на сите Македонци при стремежот за ослободување од поробувачот.
- 8.Ноември е симбол на остварувањето на вечниот стремеж за слобода. Нашата цел, 71 година подоцна, е да го зајакнеме квалитетот на сите услуги што Општината ги нуди. Да создаваме и создаваме одлични инфраструктурни услови во сите наши урбани и рурални заедници. Асфалтирањето улици, реконструкцијата на постојните, изградбата на комплетно нови патишта во нашите села и населби, инсталирањето и реконструкцијата на водоводната и канализационата мрежа, изградбата на нови спортски терени и уредувањето на паркови содржини - претставуваат активности што во последниов период имаат невиден подем во нашиот Штип. Сето тоа за добро, квалитетно, еколошки чисто и здраво живеење на секој наш сограѓанин, рече Захариев.
Тој истакна дека по 71 година Штип е вистински центар на регионот, имајќи предвид дека изминатите години Владата ги реализираше проектите, како што е отварање на универзитетот „Гоце Делчев“-Штип, изградбата на автопатот Штип-Миладинвци, потоа најавената изградба на автопат до Кочани и експресен пат до Радовиш.
Захариев најави дека наскоро штипјани ќе добијат и нова Клиничка болница, која ќе биде градена согласно сите стандарди и ќе опслужува потенцијални 200.000 пациенти од истокот.
Што се однесува за инвестициите на локалната валст Захариев вели дека годинава најмногу се инвестираше во патната инфарструктура, граѓаните од неколку населби кои газеа по кал, имаа стари и уништени улици во текот на изминатите месеци им се реши проблемот со асфалтирање. Неколку села и приградски населби, подвлече, конечно добија водовод и канализација, а во текот на наредниот период ќе се решат проблемите во населбите Три чешми, Света Недела, Дузлачки рид и Караорман.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово