ДИК на седница ќе расправа за бонусите
Државната изборна комисија денеска на седница ќе расправа во врска со својата Одлука за исплата на надоместок на претседателот, потпретседателот и членовите, како и вработените во стручната служба на Комисијата и лицата ангажирани во нејзините помошни тела за спроведување на локалните избори 2017 година.
Вчера американскиот амбасадор Џес Бејли изнесе информација во јавноста дека членови на ДИК си изгласале дополнителна плата за четири дополнителни месеци за нивната работа на октомвриските избори, а оти претходно дополнителено добиле плата и за пет месеци по изборите од 2016 година.
По ова ДИК излезе со реакција претседателот и членовите на изборните органи и изборната администрација имаат право на надоместок согласно член 19 од Изборниот законик што се утврдува со акт што го донесува ДИК и оти ова право е утврдено за вработените во ДИК од 2006 година, а за членовите на Државната изборна комисија од 2014 година.
Од ДИК посочија дека и покрај тоа право, одлучиле денеска на јавна седница да расправаат за предлог-одлука за отповикување на донесените одлуки за определување на надоместок за членовите на Државна изборна комисија и вработените во стручната служба за спроведените избори.
На денешната седница на ДИК членовите ќе го разгледаат и Извештајот за спроведените избори за членови на советите на општините и советот на Град Скопје и за градоначалници на општините и за градоначалник на Град Скопје.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер