Девојче почина поради предизвик на ТикТок, започната истрага во Италија
Јавното обвинителство во Италија започна истрага поради смртта на 10-годишно девојче, кое учествувало во т.н. „игра на задушување“ на социјалната мрежа ТикТок.
Неколку часа откако се дознало за смртта на девојчето, што предизвика гнев низ целата земја, Бирото за заштита на податоци во Рим одлучи ТикТок, доколку не може со сигурност да ја провери возраста на корисниците, да биде блокиран најдоцна со 15 февруари.
Иако според правилата на ТикТок корисниците не можат да бидат помлади од 13 години, компанијата не го спречила девојчето од 10 години да креира свој профил, соопштија италијанските власти.
Девојчетот од Палермо се заклучило во тоалетот и снимало со телефонот додека појасот од бањарката го стегала околу вратот, учествувајќи во предизвикот на ТикТок, чија цел било колку е можно подолго да се издржи без воздух. Нејзината петгодишна сестра ја пронашла во бесвесна состојба. Докторите се бореле за нејзиниот живот, но не успеале да ја спасат.
Јавното обвинителство во Палермо покрена истрага поради поттикнување самоубиство.
Италијанските власти наведуваат дека на платформата ТикТок и „недостасува доволно внимание за заштита на малолетниците“ и го осудија лесниот пристап преку кој децата можат да се пријават на апликацијата.
Платформата за споделување видео содржини е во сопственост на кинеската компанија БајтДенс и е многу популарна меѓу тинејџерите во светот. Во Европа има околу 100 милиони корисници.
– Безбедноста на ТикТок заедницата е наш главен приоритет. Подготвени сме во секој момент да соработуваме со властите во врска со истрагата за смртта на девојчето, соопшти ТикТок.
Ново на Сител
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа
-
Состојба на патиштата