Деветмина загинати при превртување на брод со имигранти кај Кос
Девет лица, меѓу кои две деца на возраст од седум и 14 години, загинаа утринава кога брод што превезувал илегални имигранти се превртил во близина на грчкиот остров Кос, соопошти Канцеларијата на Меѓународната организација за миграции (ИОМ) во Грција.
Како што јави дописникот на МИА од Атина, во бродот имало околу 20 имигранти, од кои седум се спасени, а по четворица се уште се трага.
Грчките медиуми објавија дека превртениот брод го пронашол глисер на Службата за контрола на границите на ЕУ (Фронтекс), чии припадници слушнале повици за помош од имигрантите кои се наоѓале во водите на Егејското Море.
Операција за потрага по исчезнатите имигранти продолжува.
Со денешната трагедија, бројката на загинати во Источниот Медитеран само оваа година, достигна најмалку 562 жртви меѓу мигрантите и бегалците, соопшти ИОМ.
Ново на Сител
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела