Даути: Во Косово се извезува македонско брашно
Во Косово се извезува македонско брашно, а српскиот министер Расим Љајиќ проблемот со косовските такси за српските производи треба да го решава во Брисел, а не преку трговците во Македонија, порачува сопственикот на „Даути комерц“, Џемаил Даути.
- Факт е дека македонските мелничари увезуваат пченица од Србија, но ние имаме и сопствено производство. Брашното што се извезува во Косово е произведено од македонска пченица, а проблемот со дополнителните контроли и чекањето на границата е поради проверките што ги прават косовските власти, рече Даути во одговор на новинарско прашање на денешната прес-конференција на Стопанската комора на северо-западна Македонија во индустриската зона Визбегово.
Тој посочи дека надлежните косовски власти проверуваат дали македонското брашно го исполнува критериумот за присуство на железо во брашното.
- Јас увезувам брашно од Италија во Косово. Не можеше производителот да го исполни условот за присуство на железо во брашното и морав да прекинам со увозот. За да продолжам производителот треба да набави нова технологија за да го исполни условот. Во Косово увезувам и дел од интегралните брашна од Македонија кои ги исполнуваат критериумите и за нив нема никаков проблем, рече Даути.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела