ЦУК: Девет активни пожари на отворен простор до 13 часот, два се под контрола, а два изгаснати

До 13 часот денеска во државата се регистрирани вкупно 13 пожари на отворен простор, од кои девет се сè уште активни, два се ставени под контрола, а два се целосно изгаснати, информираат од Центарот за управување со кризи (ЦУК).
Според податоците на ЦУК, меѓу деветте активни пожари е жариштето во Општина Студеничани над селата Моране, Вртекица и Рамни Габер, каде што гори мешана шума. Активни пожари во кои е зафатена ниска вегетација има во Општина Новаци кај селото Маково, во атарот на селото Лозани во Општина Могила, во Општина Велес кај селото Сливник, како и во Општина Македонски Брод кај селото Драгов Дол.
Ниска вегетација гори и во Општина Прилеп кај старата фабрика „Партизанка“, како и во Општина Струга кај селото Долно Татеши. Во Општина Крива Паланка кај селото Муждивњак пожарот зафатил ниска вегетација и багреми, додека во Општина Битола, по должината на магистралниот пат Прилеп-Битола, огнот зафатил ниска вегетација и една викендица.
Под контрола се ставени два пожара, и тоа на градската депонија во Општина Делчево, како и во Општина Кичево кај селото Манастирско Доленци, каде што горела нискостеблеста деградирана шума.
Целосно се изгаснати пожарите во Општина Босилово кај селото Старо Балдовци, каде што горела ниска вегетација и шамак, како и во Општина Јегуновце кај селото Копанце, каде што огнот зафатил шума и ниска вегетација.
МИА
Ново на Сител
-

Лажна пријава за бомба во траект со 958 лица на атинското пристаниште Пиреас
-

Охрабрувачки резултати од првото пребројување на дивокозите на Шар Планина
-

Томески: Пожар зафати куќи кај Бит - пазар, има материјална штета
-

Приведен Бака Прасе? Маскирани лица упаднале во неговиот стан и го одвеле
-

Водата во Скопје е безбедна за пиење
-

Акциска контрола за брзо возење - за шест часа констатирани 708 прекршоци
-

Реализирани 750 исплати денеска во „Алта банка“ во Битола, Струмица и Тетово, овозможени и уплати за комуналии и отплата на кредити
-

АХВ и Ветеринарната комора партнерски ќе бараат решенија за предизвиците
