Македонија
3. January 2019 - 13:13

Црвeниот Крст во Струмица подготвен за прием на бездомници

 Црвениот Крст на Струмица заедно со Меѓуопштинскиот Центар за социјални работи се подготвени за прием на бездомници и нивно згрижување во двата контејнери, кои се поставени во дворот на седиштето на организацијата.

Како што не информира Маријана Тошева, секретар на Црвниот Крст во Струмица, уште пред студениот бран да ја зафати Македонија тие ги завршиле подготовките за прием на бездомници.

-Ние имаме капацитет за сместување на осум лица во нашите два контејнери. Лани нашите услуги ги користеше само еден бездомник. Објектите се подготвени и имаме залихи на храна, информираше Тошева.

Апелира до граѓаните доколку забележат бездомник да го упатат кај нив.