Честитка од Џафери по повод 11 Октомври Денот на народното востание
Претседателот на Собранието на Република Македонија Талат Џафери упати честитка по повод 11 Октомври - Денот на народното востание.
- На овој ден, пред седумдесет и шест години, народот во Република Македонија јасно и недвосмислено застана против фашизмот, против најголемото зло во човечката историја, на страната на правдата, наспроти неправдата. Многу борци, знајни и незнајни ги положија своите животи во таа народноослободителна и антифашистичка војна. Денес, прославувајќи го 11 Октомври, ние оддаваме почит на нивното големо дело и на нивната пожртвуваност. Благодарение на нивната храброст и истрајност, Македонија е слободна и почитувана земја која чекори по патот на евроатлантските интеграции, кои се стратешка определба и врвен приоритет во развојот на нашата држава, вечи Џафери во честитката.
Чекорејќи по тој пат, заедно, со меѓусебно разбирање, почитување и негување на различностите помеѓу сите граѓани, потенцира претседателот на Собранието, убедени сме дека оваа наша земја ќе биде заеднички дом на сите граѓани кои својата иднина и иднината на следните поколенија ќе ја гледаат во демократска, силна, модерна и европска Република Македонија.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка