Целосно изгорела плевна во село Бошава, сточарско семејство останало без простор за кравите
– Во пожар целосно изгорела плевна во кавадаречкото село Бошава. Сточарско семејство останало без простор за кравите.
Како што велат жители на селото за МИА, сопствениците на плевната се сомневаат дека пожарот е подметнат.
Шталата била на главниот пат на Бошава, кон Конопиште, на раскрсницата за Горна Бошава, од десната страна.
Жителите на селото се надеваат дека заедницата ќе изнајде начин да му даде поддршка на сточарското семејство кое, нагласија, е едно од последните во тој дел на Тиквешијата.
Портпаролот на СВР Велес, Ристе Стамаџиев за МИА изјави дека вчера 38-годишна жена од Горна Бошава во ОВР Кавадарци пријавила дека настанал пожар во плевна, сопственост на нејзиниот сопруг. Повредени лица нема, а увид извршила увидна екипа од ОВР Кавадарци.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка