Царскиот рез носи одреден ризик од појава на аутизам и АДХД
Кај бебињата родени со царски рез има 33 отсто поголема веројатност да се развие аутизам и 17 отсто поголем ризик од појава на т.н. нарушување на недостиг од внимание и хиперактивност (АДХД), покажува ново истражување на Каролинска институтот во Стокхолм.
Анализата на тимот научници предводена од Тјанјанг Женг, опфатила 29 претходни испитувања, односно вкупно 20 милиони породувања. Дури 17 од овие научни трудови укажуваат на поголем ризик од овие болести, што се смета за доволно битно во статистичка смисла.
Од друга страна пак, некои лекари, иако се сложуваат со новите научни сознанија, сметаат дека идните родители не треба да паничат, бидејќи ризикот е мал.
– Потребни се повеќе истражувања за да се открие причината за оваа врска и како таа е поврзана со породувањето со царски рез. Жените кои се пораѓаат на овој начин не треба да се грижат, оти тоа е безбедна постапка. Во многу случаи, тоа спасува живот, изјави д-р Пет О’Брајан, британски гинеколог.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас