Британски пратеници против сервисирањето на авиони на РАФ во Турција
Група британски пратеници од редовите на опозицијата се спротивставија на решението на Министерството за одбрана, новите борбени авиони Ф-35 на британското Кралско воено воздухопловство (РАФ) да се сервисираат во Турција.
Несогласувањето со решението на Министерството се објаснува со „безбедносни причини“.
Според пратениците, Турција се наоѓа во вонредна состојба по минатогодишниот неуспешен воен удар, а од тогаш Владата во Анкара е во постојано тензична состојба со земјите од Европа, што последниве недели се претворени со отворен судир на Турција и нејзиниот претседател Реџеп Тајип Ердоган со неколку земји членки на НАТО и британски сојузници.
Опозицијата инсистира дека наместо во Турција, авионите може сосема успешно да се сервисираат во Велика Британија.
Во објаснувањето на Минстерството за одбрана во Лондон се вели дека сервисирањето на борбените авиони и замената на нивните мотори е „меѓународен проект“ за кои е организирана глобална мрежа на сервис за овие американски воени авиони.
Турција била одбрана од американскиот Пентагон и освен во оваа земја, авионите ќе се сервисираат и во Австралија и во Северна Америка.
Парламантарната опозиција сепак бара истрага за целиот случај со сервисирањето на авионите.
Експерти за безбедносни прашања на институтот „Џеинс“ сметаат дека е оправдано барањето за истражување на случајот со сервисирањето.
Во изјава за лондонските медиуми експертите тоа го оправдуваат со недоразбирањата со Турција, како и со „масовните чистки“ во турската армија и отпуштањата што се спроведени по неуспешниот пуч на стотици високи турски воени функционери и старешини, кои беа во служба во НАТО во Европа и во САД.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри