Британски неонацисти прославувaле убиство на пратеничка
Припадниците на британската крајно-десничарска, неонацистичка организација „Национална акција“, го прославувале убиството на пратеничката на опозициската Лабуристичка партија, Џо Кокс, открива лондонски „Метро“.
Кокс беше убиена минатата година, пред партиската канцеларија во нејзината изборна единица во внатрешноста на Англија, од еден англиски националист- десничар, кој прво пукаше во неа, а потоа ја избоде со нож.
Убиството што се случи пред референдумот за излегување на Британија од ЕУ, беше поврзано со кампњата и со нејзината агитација против Брегзит и за тоа Британија да прими повеке бегалци и мигранти од Блискиот и Средниот Исток.
Сведоци на убиството, тогаш и потврдија на полицијтата дека при нападот, убиецот извикувал „Британија на прво место“ и против примањето мигранти.
Откритието на лондонскит весник доаѓа по апсењето на четворица припадници на „Национална акција“, сите припадници на британската армија, кои беа уапсени под обвинување дека се подготвувале да извршат терористички напад врз припадници на армијата.
Групата од минатата година е забранета, со одлука на министерот за внатрешни работи Амбер Рад.
Забраната значи дека членувањето во оваа група или агитирањето и регрутирањето нови членови, претставува кривично дело, за кое е предвидена затворска казна до десет години.
„Национална акција“ е создадена во 2013 година, како „национал-социјалистичко младинско движење“, за кое во образложението на забраната од Хоум Офисот се вели дека претставува расистичка, анти-семитска и хомофобична група.
По формирањето на групата, биле создадени и филијали низ градовите во Британија, главно во Англија, а нивни припадници многу често учествуваат во провокативни улични демонстрации, со цел да се навредуваат и тероризираат припадници на различни локални етнички и верски заедници.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција