Борисов: Бугарија си има свој Меси, а тоа сум јас
Еден ден пред ГЕРБ да го добие мандатот за формирање влада, во пратеничката група на партијата се слушнаа барања да се именува Бојко Борисов за премиер, иако неговото заминување е услов за многумина во земјата за да прават коалиција со нив.
„ Си имаме премиер, подобар од мене нема, колку и да звучи нескромно. Формирањето малцинска влада е најдоброто што може да се случи за стабилноста и разбирањето во моментов. Нашата политичка елита се уште не е созреана. па така, и Меси има 31 година, но кога ќе влезе на терен го дава првиот гол. Бугарија го има Меси во овој поглед, а тоа сум јас“, порача Борисов по ваквите барања.
Борисов треба да биде номиниран за премиер на ГЕРБ-СДС – најави и почесниот претседател на „Герговден“ Љубен Дилов, кој е дел од коалицијата ГЕРБ-СДС. Тој појасни дека тоа е негово мислење, а кого ќе предложи ГЕРБ-СДС зависи од останатите формации.
„За мене лично, тоа е премиерот на Бугарија, ако сакаме нешто да се промени. Што ќе одлучи ГЕРБ, сепак, не можам да ви кажам, зависи од ГЕРБ, бидејќи се поголема формација и тие одлучуваат“, истакна Дилов.
Пратеникот на ГЕРБ, Тома Биков го поддржа овој став: „Мое лично мислење е дека ако сакаме да го нормализираме политичкиот систем, мора да му пристапиме логично. Која е логиката? Кога зборуваме за првата политичка сила во земјата, обично лидерот на партијата станува премиер. Бојко Борисов, мислам дека треба да биде номиниран“, истакна тој.
Според него, ако се исклучат сите фикции и фиксации на кои се жртва Бугарите последниве години, партијата што добила најмногу гласови треба да го понуди својот лидер за премиер. „Тоа е нормална практика во сите демократски земји“, нагласи Биков.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри