Болниците во Србија се полнат, од 1 август можни нови мерки
Епидемиологот и член на кризниот штаб, Предраг Кон, изјави денеска дека епидемиолошката состојба во Србија се влошува и дека веќе почнало полнење на болниците, како и зголемување на бројот на новозаболени.
-Бројот на оние кои се во болници е се уште мал во споредба со некој период порано, но тоа ќе се промени и ќе почне полнењето на болниците. Всушност, тоа веќе започна …не можеме да чекаме четирицифрени броеви со истите мерки што ги имаме сега, изјави Кон и најави дека на 1 август, кога се очекува седница на Кризниот штаб за борба против короната, ситуацијата ќе биде поинаква и најверојатно ќе бидат донесени нови мерки.
Тој истакна дека мерките против короната се уште се на сила и треба да се почитуваат, наведувајќи дека „искуството не значи ништо ако продолжиме да се однесуваме како да сме без искуство“.
-Ако не се вакцинираме, ќе мора да се бориме против овој вирус многу долго време. Невакцинацијата на младите ја продолжува директно оваа пандемија, оцени Кон.
Според него, кај помладите, особено кај жените, постои отпорност на вакцинација, „поради страв од сериозната заблуда дека вакцината може да влијае на можноста за раѓање“.
Тој исто така кажа дека етички е целосно неприфатливо здравствените работници да не се вакцинираат, не само заради себе, туку и заради потенцијална опасност за пациентите.
Популарно од Балкан
Ново на Сител
-
Пет земји од ЕУ предлагаат привремено ограничување на правото на глас за идните земји членки
-
Ристовски: Фудбалскиот камп на AC Milan во Скопје е ретка можност за нашите млади спортисти да учат од европските гиганти
-
Во полициска акција во БиХ уапсени 13 лица, запленети оружје и експлозив
-
МВР: Автомобил во движење се запали на булеварот „Јане Сандански“
-
Вкупно пет пријави за семејно насилство во последното деноноќие, две лица уапсени
-
Ученичка извршила напад со нож во училиште во Манчестер, повредени три лица
-
Стефан Богоев излегува од притвор, судот ја прифати гаранција од 55 илјади евра
-
Груевски: Ретко демантирам, но никогаш не сум се сретнал и не сум разговарал со Александар Маленко
