Битолскиот театар ќе гостува во Русија
Ансамблот на НУ Народен театар-Битола на 24 јануари ќе гостува во рускиот град Санкт Петерсбург каде на тамошната театарска сцена ќе ја одигра претставата „Последната ноќ“.
На денешната прес-конференција во Битола, уметничкиот директор Благој Мицевски посочи дека со поддршка на Министерството за култура, битолските актери освен во Русија ќе гостуваат во САД и Израел.
- Првото гостување во странство ќе го реализираме овој месец, на 24 јануари каде ќе ја одиграме претставата „Последната ноќ“ која предизвика голем интерес кај публиката, а за која добивме покана да гостуваме и во Пловдив, Бугарија. Покана за гостување имаме и од Израел каде ќе ја одиграме претставата „Отело“, а во САД, односно во Санта Барбара ќе настапиме со претставата „Антониј и Клеопатра“. Со тамошниот театар „Литмун“ ќе ги подготвуваме и познатите „Сонети“ од Шекспир, истакна Мицевски.
НУ Народен театар-Битола денеска ги почна подготовките и на претставата „Кралски игри“ од Григориј Горин во режија на Љупчо Ѓоргиевски.
Ново на Сител
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО