Битиќи за Сител: Новиот антикризен пакет мерки ќе биде насочен кон тие на кои им е најпотребен

Владата сега има многу попрецизна слика за состојбата во економијата и следниот пакет мерки ќе биде многу пофокусиран кон најпогодените, вели во интервју за Сител вицепремиерот задолжен за економски прашања, Фатмир Битиќи.

Четвртиот пакет мерки ќе биде донесен веднаш штом ќе завршат консултациите со бизнисмените и синдикалците од кои точно ќе се види кои сектори и кои граѓани се најпогодени и на кои најмногу им е потребна помош.

„Кога ги креиравме претходните мерки ниту ние, ниту било која друга Влада во светот не располагаше со податоци на што ќе наидеме во следниот период затоа што имаше многу непознаници од корона кризата. Ние сега се подготвуваме до крај на годината дека ќе бидеме под удар на корона кризата и дека економијата ќе биде под негативно влијание. И веќе имаме одредени показатели и тоа што можам да ветам е дека четвртиот пакет антикризни мерки ќе биде насочен токму на оние на кои им е најпотребен“, вели Битиќи.