Безуспешно заврши и денешниот обид за договор за законот за ЈО
Безуспешно заврши и денешниот обид на работните групи од власта и од опозицијата да ги приближат ставовите околу Законот за јавно обвинителство, пренесува „360 степени“.
Министерката за правда Рената Дескоска и нејзиниот заменик Оливер Ристовски доцна попладнево се сретнаа со преставниците на ВМРО-ДПМНЕ Тони Менкиновски и Тимчо Муцунски во зградата на Собранието.
По тричасовниот состанок, остануваат разликите околу мандатот на обвинителите од Специјалното јавно обвинителство и продолжување на предметите на СЈО.
Заменик-министерот за правда Оливер Ристовски, сепак, средбата ја оценува како конструктивна.
„Средбата беше конструктивна и ќе продолжи деновиве. Толку можам да кажам во овој момент“, кажа Ристовски за „360 степени“.
Ако до 15 септември нема политички договор за предлог-законот за јавно обвинителство и за тоа што ќе се случува со СЈО и со неговите предмети, клучен ќе биде ставот на Советот на јавни обвинители, кој ќе треба да реши дали ќе именува в.д. шеф на СЈО.
Ново на Сител
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“