Бесплатни стоматолошки услуги за 63 ученици од социјално загрозени семејства во општина Центар
Општина Центар во соработка со Стоматолошкиот факултет – Скопје овозможи бесплатни стоматолошки услуги за 63 деца од сите осум основни училишта во општината кои спаѓаат во социјално ранливите категории.
По повод Светскиот ден на оралното здравје, Општина Центар информира дека за оваа услуга која децата ја добиваат на Стоматолошкиот факултет, издвоила 50.000 денари, а факултетот на децата им подари пригодни подароци со прибор за редовно одржување на оралното здравје.
Градоначалникот Горан Герасимовски изјави дека преку оваа соработка општината сака да им помогне на семејствата од социјален ризик обезбедувајќи бесплатни стоматолошки услуги за нивните деца.
-Одржувањето на оралното здравје е од суштинско значење за да се задржи правилното функционирање на организмот и севкупното здравје и квалитет на животот. Затоа, покрај поправката на запчињата, децата добија и совети за здрави навики и здрава исхрана, како и едукативни предавања за правилно четкање на забите со кои го победуваат стравот од одење на забар, истакна Герасимовски.
Општина Центар информира дека покрај ова, обезбедува стоматолошки услуги и за сите други ученици од прво одделение од сите основни училишта, како и за децата од возрасните и средни групи во градинките.
Ново на Сител
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори