Белгија: Во јули врз луѓе ќе се тестира нова вакцина против Ковид-19
Белгиската фармацевтска фирма, Јансенс, најави клинички тестови врз луѓе на нова вакцина против Ковид-19 во текот на јули, односно два месеци порано од очекуваното, јавуваат денеска белгиските медиуми.
Според фармацевтската компанија, оваа вакцина има „50 отсто повеќе шанси да биде ефикасна“ против вирусот. Предклиничките тестови врз животни дале охрабрувачки резултати, што ќе овозможи да се премине на клиничката фаза со тестови врз луѓе веќе во втората половина на јули.
Тестовите ќе се прават врз 1045 лица во добра здравствена состојба, на возраст помеѓу 18 и 55 години.. Од овие стотини ќе се тестираат во Белгија, останатите во САД.
Научниците објаснуваат дека станува збор за вакцина од истата фамилија како вакцината против Ебола, што значи дека нејзините ризици и нус ефекти се добро познати.
Во наредните денови предметот треба да се поднесе до националната комисија за етика како и до медицинската агенција на Белгија кои треба да дадат зелено светло.
Доколку првата фаза на тестирање даде добри резултати, ќе се премине на втората и третата со многу поширок примерок на тестови врз луѓе. Во третата фаза се предвидува тестирање врз десетина илјади лица.
Во оваа трета фаза, која е и најдолга и најчувствителна, дел од луѓето ја примаат вакцината, другиот дел добиваат плацебо. Фирмата се надева, доколку вакцината се покаже успешна, да произведе една милијарда дози во текот на 2021.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок