Бектеши: Инвестиции со Планот за економски раст се причина младите да инвестираат во нови бизнис идеи

Компанијата „Еуро Блу“ од Тетово која произведува паслтични ќеси, а е потписник на договорот за државна помош согласно Законот за финансиска поддршка за инвестиции од Планот за економски раст, ја посетија министрите Крешник Бектешти и Хисен Џемаили. Министерот за економија Бектеши истакна дека ваквите инвестиции ќе ја зголемат продуктивноста на компаниите и ќе им овозможи да се развиваат и да се подготват за регионалната и европска конкуренција.

-Имаше многу скептици кога го донесовме Законот за финансиска поддршка на инвестициите, но ваквите инвестиции се факт дека сме на вистинскиот пат. Освен што ги мотивираме и охрабруваме странските инвестиции, со Законот ги поттикнуваме посебно младите компании низ нашата држава за да почнат да креират нови бизниси и нивните идеи со овој закон да ги направат реалност. Најдобар пример за тоа е денешната наша посета. Истовремено би сакал да ја поздравам локалната самоуправа која напорно ги информира сите компании и млади за овие мерки. Ова година веќе имаме раст на индустриското производство, зголемување на работните места, но најважно од се е дека младите луѓе гледат опции и нивната визија веќе е реалност преку вакви инвестиции со кои сум убеден дека нема да бидат конкурентни само во нашата држава, но во иднина ќе бидат конкурентни и во регионот, рече Бектеши.

Министерот за подобрување на инвестициската клима за домашните претпријатија Џемаили рече дека државната поддршка на Владата за бизнисот е голем стимул и мотивира многу компании да се развиваат повеќе на меѓународните пазари.

-Тука сме за да ја видиме новата инвестиција направена од релативно новатa компанија која што произведува пластични ќеси, а сега со нова технологија и преработка на пластичен отпад, што е и директен придонес во заштитата на животната средина. Владата на Република Северна Македонија им помага на компаниите преку мерките од Планот за економски раст за да растат и да инвестираат. Државната поддршка треба да биде стимул за понатамошен раст на компаниите, а ние како Влада ги повикуваме сите компании кои што имаат раст на производството и нови инвестиции да ги користат мерките од Планот за економски раст, посочи Џемаили.

Сопственикот на компанијата „Еуро Блу” Зултан Јусуфи се заблагодари на Владата на поддршката за набавка на нови машини за производство.

-Компанијата „Еуро Блу” е основана во ноември 2016 година, а на пазарот сме веќе трета година. Аплициравме за мерките на Владата и добивме поддршка за набавка на нови машини за сечење и најважното е машини за рециклирање на пластичен отпад. И благодарам на Владата многу за поддршката која ни ја даде и ги повикувам сите млади да се охрабрат и да дејствуваат за да ги постигнат своите цели, рече тој.

Градоначалничката на Тетово, Теута Арифи се заблагодари на менаџментот на компанијата за ангажманот и инвестицијата, и на Владата и Министерството за економија за поддршката и мотивирањето на новите бизниси.