Баратели на азил од Самос ќе бидат распределени во други делови на Грција, за попладнево закажан протест
Од Самос на атинското пристаниште Пиреас се очекува денеска да бидат пренесени околу 700 баратели на азил, а оттаму да бидат прераспределени во други делови на Грција, објавија локалните медиуми.
Додека, пак, во следните денови, според истите информации, се очекува уште 300 лица да заминат од островот, што се соочува со сериозни проблеми со прекумерен број бегалци и мигранти.
Според пописот од 2011 година, во градот Самос на истоимениот остров, живеат 6.191 жител, додека, пак, во прифатниот центар што се наоѓа во непосредна близина, наменет за 648 лица, престојуваат 5.968 бегалци и мигранти, jави дописничката на МИА од Атина.
Во знак на протест за ситуацијата на островот, со одлуката на општина Самос денеска затворени се општинските служби, со исклучок на градинките и комуналната служба, а паралелно ќе се одржат и демонстрации.
Општинските служби беа затворени и во петокот, а тогаш протестираа и барателите на азил, но и учениците од средното техничко училиште.
Градоначалникот на источен Самос, Јоргос Станѕос, упати порака до жителите на островот масовно да учествуваат на протестот закажан за попладнево. Вели дека во последните години островот, а особено градот Самос „првпат живее трагична криза“, сменет е нормалниот живот на граѓаните, а доведена е во прашање безбедноста на жителите, на децата, на посетителите, на бегалците и мигрантите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово