Асанж бара гаранции од САД
Основачот на Викиликс, Џулијан Асанж го прекрши ветувањето дека ќе ја напушти Амбасадата на Евкадор во Лондон доколку САД ја помилуваат Челси Менинг.
Според „Индипендент“, Асанж би можел да се согласи да замине во САД, само ако добие гаранции од американското Минисерство за правда.
- Го контактиравме Министерството, но не добивме одговор. Топката е во нивниот двор. Доколку средувањето на работите вклучува заминување во САД каде ќе се заштитат моите права, тогаш ќе разговараме за тоа, истакна Асанж за интернет емисијата „Пестон шоу“.
Прашан да го коментира влијанието на американските претседателски избори по објавувањето на илјадниците мејлови на Хилари Клинтон, Асанж истакна дека Викиликс објавил само „автентични зборови“ на кандидатката на демократите.
- Луѓето читаа што таа кажа и не им се допадна. Не им се допадна како ги намести примарните избори против Берни Сандерс, посочи Асанж.
Тој, зборувајќи дали му помогнал на Доналд Трамп да влезе во Белата куќа, истакна дека Викиликс не им кажува на луѓето како да ги толкуваат мејловите или како да гласаат.
- Тоа е работа на Американците. Доколку Американците одлучиле да дадат предност на Доналд Трамп, тоа е нивна одлука, посочи Асанж, при тоа додавајќи оти 100 отсто е сигурен дека руското хакирање немало никаква улога во прибавување на мејловите на Клинтон.
Асанж потсети дека Викиликс повеќе пати го повика Трамп да ги објави своите даночни пријави, трипати во текот на претседателската кампања и двапати по изборите.
Тој го оспори и тврдењето дека Трамп сака да го згасне новинарството.
- Трамп не е непријателски насочен кон новинарските организации, туку кон нивното известување. Разбираме дека партизанската природа на новинарството доаѓа до израз, наведе Асанж.
Австралискиот програмер претстојува во Амбасадата на Евкадор во Лондон за да избегне екстрадиција во Шведска, каде е осомничен за наводно силување. Тој стравува дека Шведска би можела да го испорача во САД поради обвиненијата за шпионажа по објавувањата на материјали за војната во Ирак, кои беа доставени од трансродниот војник Челси Менинг.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија