Свет
19. September 2016 - 17:29

Асад: Коалицијата предводена од САД во саботата изврши јавна агресија врз Сирија

Сирискиот претседател Башар Ал Асад ги обвини денеска САД дека извршиле јавно посегнување по неговата земја со воздушните удари кои беа изведени во саботата, врз сириската војска во провинцијата Деир ез Зора, пренесува БТА.

- Непријателите на Сирија ја зголемуваат поддршката за терористичките организации. Пример за тоа е очигледната американска агресија врз позициите на сириската војска во Деир ез Зора во корист на терористичката група Даеш (Исламска држава), истакна Асад. 

Најмалку 90 сириски војници загинаа при нападот во саботата, поради кој џихадистите презедоа позиции близу до аеродромот кој беше под контрола на режимот. 

Коалицијата предводена од САД призна дека извршила бомбардирање, мислејќи дека напаѓа позиции на ИД.