Арсовски: СДСМ крие колку пари потрошиле на рекламни паноа и билборди
Портпаролот на ВМРО-ДПМНЕ Димче Арсовски на денешната прес-конференција истакна дека коалицијата „Можеме“ предводена од СДСМ во извештајот доставен до Државниот завод за ревизија крие одредени ставки за тоа колку пари потрошиле на рекламни паноа и билборди. Според него во извештајот на СДСМ кој е јавно достапен може да се види дека е најнетранспарентен и технички празен.
„ Конфесионерите јавно си ги истакнаа цените и локациите и ждребењето беше јавно и истата информација се процесира до ДИК која партија колку локации закупила, но СДСМ не сака воопшто да биде транспарентна и да ги објави сите суми во својот извештај. Податоците велат дека СДСМ има закупени стотици рекламни паноа, а немаат објавено ниту еден билборд во извештајот. Додека говореа за транспарентност изминатите 3 години СДСМ всушност станаа најнетранспарентната партија во Република Македонија“- рече Арсовски.
Во однос за преговорите за формирање на ново парламентарно мнозинство рече дека лидерот на партијата Христијан Мицкоски вчера имал средба со неговиот колега Али Ахмети, но не сакаше да даде повеќе детали за да не му наштети на целиот процес. Вели дека кога ќе има поконкретни информации ќе бидат објавени во јавност.
За кривичната пријава која што поранешниот градоначалник на општина Аеродром Ивица Конески му ја поднесе на другиот портпалот на ВМРО-ДПМНЕ Наум Стоилковски, Арсовски рече дека правдата е на страната на неговиот колега и е сигурен дека Стоилковски ќе го добие процесот.
Даниел Василев
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање