Англиските клубови повторија достигнување од пред половина век
И шесте претставници на Англија во осминафиналето во европските клубски турнири ги надминаа своите ривали и продолжуваат во следната фаза. Откако Ливерпул, Тотенхем, Манчестер Сити и Манчестер Јунајтед се пласираа во четвртфиналето во Лигата на Шампионите, истото го направија и Арсенал и Челзи во Лига Европа.
Тоа значи дека за прв пат по 48 години, во четвртфиналето ќе има 6 екипи од колевката на фудбалот. На почетокот на сезоната само Барнли отпадна, но останатите тимови ги прескокнаа групите во двата турнири, и осминафиналето.
Интересен е и друг факт кој го илустрира брилијантното претставување на клубовите од Островот. Сите победија во реваншите од осминафиналето.
Во Лигата на шампионите Тотенхем ја совлада Борусија (Дортмунд) со 1:0, Манчестер Јунајтед го порази Пари Сен Жермен со 3:1, Ливерпул триумфираше над Баерн (Минхен) со 3:1, а Манчестер Сити одржа предавање против Шалке 04 и ги декласираше „кралско-сините“ со 7: 0.
Во Лига Европа, пак Арсенал ја избриша негативата против Рен со победа од 3:0, а Челзи си поигра со Динамо Киев како гостин – 5: 0.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион