Македонија
22. April 2021 - 9:28

Ангелов: Оваа Влада постапува неселективно, луѓе од првиот ешалон ги става зад решетки

Стојанче Ангелов во вчерашното гостување на ТВ24 изјави дека апсењето на екс генералниот секретар на Владата Драги Рашковски покажува решителност на владата да се справи со криминалот во државата па дури и ако се вклучени државни функционери од владејачката гарнитура.

-Ова преставува неселективност во приодот, одговараат сите кои направиле, прават или ќе направат кривично дело. Ова покажва сериозност на владата, требаше одредено време владата да ги пофаќа конците, но сведоци сме дека во последно време големи зверки завршија зад решетките, вели Ангелов.
Тој додава дека сепак треба да се почитува презумпцијата на невиност и дека Рашковски е се уште невин се до конечна одлука на судот.

-Факт е дека оваа Влада постапува неселективно, луѓе од првиот ешалон ги става зад решетки, додаде Ангелов.