Анчелоти за Супер лигата: Мислев дека се шегуваат
Тренерот на англискиот прволигаш Евертон, Италијанецот Карло Анчелоти, оцени дека идејата за формирање европска фудбалска Супер лига е утопија, истакнувајќи дека проектот се темели на вредностите на американското општество, кои се различни од европските.
– Мојата прва реакција кога слушнав за идејата беше дека тие мора да се шегуваат, бидејќи таков проект едноставно не може да заживее во Европа, изјави Анчелоти.
– Спортската култура во Европа е различна од американските спортови и тука не станува збор за тоа дека ние сме во право, а тие грешат, туку во прашање е самата култура на луѓето. Во САД спортот е поинаков и претставува забава, додека ние во Европа живееме со повеќе страст. Уште додека растеме како деца сакаме да победуваме. Растеме на поинаков начин, додаде италијанскиот стратег на клупата на Евертон.
Анчелоти, кој во минатото беше предводник на четири од 12. основачи на Супер лигата – Милан, Реал Мадрид, Челзи и Јувентус, рече дека иницијаторите на проектот направиле голема грешка.
– Фудбалот пред сè е спорт. Потоа доаѓаат инвестициите и бизнисот. Секако, треба да ги имаме предвид и двете страни. Но, за секој приврзаник на фудбалот, тоа беше чуден ден. Слушавме за Супер лига во последните неколку месеци, но бев сигурен дека тоа нема да се случи. Тие 12. клубови направија грешка, бидејќи не ги зедоа предвид мислењата на играчите, тренерите или навивачите, додаде Анчелоти.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка