Американски официјални лица: Израел се подготвува за војна со Иран
Неодамнешниот воздушен напад врз база во сирискиот град Хама, во кој загинаа околу 20 лица и беа ранети 30 ирански борци, го изврши Израел, тврдат тројца американски официјални лица.
Тие наведуваат дека тоа е најнов показател дека Израел и Иран се приближуваат до отворен воен судир.
Тие неименувани официјални американски претставници оценуваат дека Израел се подготвува за воена акција и бара американска помош и поддршка, јави Ен-Би-Си-Њуз.
– На листата на потенцијално најверојатни конфликти во светот сега на врвот е судир на Израел и Иран во Сирија, вели еден од нив.
Тие додаваат дека израелски авиони Ф-15 ја погодиле Хама откако Иран испорачал оружје во база каде што е сместена иранската 47-ма бригада.
Според нив, Израел се повеќе станува свесен за влијанието на Иран во соседна Сирија.
– И додека Русија води воздушна војна за режимот на Асад во Сирија, Иран води копнена војна, тврдат тие и сметаат дека ирански борци се во секоја поголема руска и сириска база во Сирија.
Ново на Сител
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците
-
Струмичкиот театар одбележува 75 години постоење
-
Преглед на вестите од светот
-
Петмесечно бебе е вториот случај на голема кашлица во прилепско
-
Преглед на вестите од светот