Американски генерал: Лидерот на ИД е жив и се крие по долината на Еуфрат

Лидерот на Исламска држава, Абу Бакар ал Багдади е уште жив и веројатно се крие по долината на реката Еуфрат, изјави генерал-полковник Стив Таунзенд, кој командува со коалициските сили во Ирак и Сирија.

- Го бараме на секој можен начин, секој ден. Мислам дека не е мртов, изјави тој.

Генералот признава дека нема точна претстава за прецизната локација каде се наоѓа Багдади, но смета дека се крие некаде по долината на Еуфрат која се простира од Деир аз Заур во Источна Сирија до градот Рава во Ирак.

- Кога ќе го откриеме, првата цел ни е да го убиеме, нема потреба да се обидуваме да го уапсиме, додаде Таунзенд.