Албанскиот брод „Орику“ спаси 36 илегални мигранти во Егејско Море
Бродот „Орику“ на албанската воена морнарица, при патролирање во водите на Егејско Море, спаси 36 илегални мигранти кои се наоѓале во моторен чамец, јави дописничката на МИА од Тирана.
Веста на Фејсбук ја објави министерката за одбрана Олта Џачка.
– Спасени се 36 државјани на Авганистан, од нив 19 деца, осум жени и девет мажи. Во соработка со Фронтекс предадени се на локалните власти. Горда на нашата морнарица, напиша Џачка.
Албанија е членка на НАТО од 2009 година и е дел од поморската алијанса на западните земји во Егејското Море.
Во рамки на оваа хумана мисија, чија цел е спасување мигранти кои илегално се обидуваат да се префрлат преку Егејското Море, во неговите води пловат и албанските бродови „Бутринти“ и „Лисус“, чии екипажи во повеќе акции имаат спасено околу 300 имигранти.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина