Акција за подобрување на комуналната хигиена во Гевгелија
На територијата на општина Гевгелија сеуште се одвива акцијата за расчитување и отстранување на дивите депонии во градот и населените места, а паралелно со неа ќе се реализира и акција за подобрување на комуналната хигиена,потврдија денеска од општинската комунална служба.
- Гевгелија, според намерниците, важи за чист и уреден град, но, граѓаните секогаш оправдано имаат забелешки на одржувањето на комуналната хигиена поради што ќе ја спроведеме акцијата за проверка на програмираните мерки и активности за одржување на јавната чистота во градот, велат комуналните инспектори.
Според програмата за јавна чистота, што ја донесува Советот на општината, а ја спроведува јавното претпријатие „Комуналец“, приоритет на комуналните работници е редовното одржување на јавната хигиена особено пред почетокот на пролетната сезона. Акцијата предвидува централното градско подрачје секојдневно да се чисти во утринските часови, а другите јавни површини во градот да се чистат еднаш неделно.
Контрола на спроведувањето на програмата и реализацијата на активнотите од неа ќе врши комуналната инспекција на општина Гевгелија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари