50-годишен маж пронајден со прострелни рани во Батинци, починал пред прием во болница

Утрово околу 10:55 часот, во Градската општа болница во Скопје бил донесен маж на возраст од 50 години, со прострелни рани во пределот на градниот кош. Според информациите од болницата, мажот бил без знаци на живот при пристигнувањето, а обидите за реанимација не дале резултат.

Инцидентот се случил во селото Батинци, скопско, но засега не се познати околностите под кои дошло до пукањето. Полицијата изврши увид на местото на настанот и работи на идентификување на сторителот, како и на расветлување на мотивите зад убиството.

Истрагата е во тек.