Во супермаркетот во Треб пронајдени три експлозивни направи
При проверката на супермаркетот во градот Треб во јужна Франција во кој вчера напад изврши осомничен припадник на џихадистичката група Исламска држава (ИД), француската полиција пронашла три рачноизработени експлозивни направи, соопштија денеска правосудните власти.
Во соопштението се посочува дека покрај експлозивните направи во супермаркетот е пронајден и еден пиштол со калибар 7,65 милиметри и ловечки нож.
Напаѓач вчера упадна во супермаркет во градот Треб, при тоа убивајќи две лица и задржувајќи тројца заложници. Тој беше ликвидиран од страна на припадници на полицијата кои упаднаа во супермаркетот.
Полицијата информира дека пред да упадне во супемаркетот во Треб, напаѓачот украл автомобил во соседниот град Каркасон, при што убил едно лице застрелувајќи го во главата и ранил друго. Потоа тој стрелал кон група полицајци, повредувајќи еден од нив, и се упатил кон супермаркетот во Треб.
Тој при упадот во супермакетот извикувал „Алаху акбар (Алех е голем), сите ќе ве убијам“.
Полицијата напаѓачот го идентификува како 26-годишниот Редван Лакдим, по потекло од Мароко, кој и бил познат за ситни прекршувања на законите. Тој бил следен, но полицијата сметала дека не е радикализиран.
При претресот на куќата на Лакдим полицијата пронашла проштална порака во која се споменува Исламска држава (ИД).
ИД уште вчера презеде одговорност за нападот, тврдејќи дека Лакдим е нејзин војник, кој „ја спровел операцијата“ како одговор на повикот на групата да се извршуваат напади во земјите членки на антиџихадиситчката коалиција предводена од САД.
При вчерашните напади во Треб и Каркасон беа убиени три лица, а денеска на повредите им подлегна и еден од 16-те ранети.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка