Бегајќи од мафијата поради тоа што не пренел една пратка, Мехмет ќе реши да се врати во родната Турција. На патот кон Турција, Мехмет е фатен и убиен од мафијата пред очите на неговата сопруга.

Сабиха е скршена од болка откако дознава за кого работел нејзиниот сопруг и дека неколку години живеел со љубовница во Германија од која го има синот Мемо. Љубовницата доаѓа во Истанбул и и го остава детето на Сабиха.

По големата несреќа, Сабиха го запознава Галиб. Тој е маж во четириесетите и сопственик на печатница. Започнал со таа работа уште како дете и се школувал со помош на својот шеф, господинот Ешреф.

Галиб се оженил со разгалената Нурсел, ќерка на господинот Ешреф, но не е среќен во бракот поради разгаленоста на Нурсел и нејзиното одбивање да имаат деца. По многу кавги, Галиб ја остава сопругата и заминува од домот.

Сабиха ќе почне да работи во компанијата на Галиб, надевајќи се дека ќе почне нов и поубав живот. И тогаш патиштата на двете млади срца се испреплетуваат.

Улоги: Ahmet Mumtaz Taylan, Ayca Zeynep Aydin, Ayça Varlier, Basak Boran Oksal, Erkan Petekkaya, Fadik Sevin Atasoy, Füsun Erbulak, Inanç Benlioglu, Merih Akalin, Sebnem Dilligil, Seda Akman