Најубавата Индијка - Анкита Локханде

Анкита Локханде родена како Тануџа Локханде е индиска телевизиска актерка најпозната по својата ролја Арчана Манав Дешмук во "Огнови на љубовта" (Pavitra Rishta). Родена е на 19-ти декември, 1984-та година во Индор, Индија. Нејзината кариера требаше да започне со серијата "Baali Umar Ko Salaam" , но проектот беше укинат уште пред таа да влезе во него.

Втората шанса оваа актерка ја виде во новата серија на Zee TV и Balaji Telefilms, насловена како "Pavitra Rishta" која уште од почетокот на своето емитување во Индија ги урна сите рекорди на гледаност за да после три години успее сеуште да ги држи истите гледачите пред малите екрани. Анкита во оваа серија ја доби главната ролја, Арчана.

Но покрај актерството оваа преубава и талентирана индијка е заинтересирана и за танцот, таа дури учествуваше и во музички шоуа, а не поминува лошо ни одејќи по модните писти, Анкита исто така е и модел. Од приватниот живот се издвојува и тоа што нејзините родители не и дозволувале да влезе во шоубизнисот, но упорноста ја довела онаму кадешто е сега, на тронот.

Наградена е со 7 телевизиски награди и тоа сите за серијата "Pavitra Rishta". Таа моментално е во љубовна врска со Сушант Сиг Рајпут (Манав), нејзиниот партнер од серијата која сеуште се снима.

Eмитувањето на оваа серија на Сител остварува прилично добри рејтинзи. Серијата во Индија е актуелна од 2009-та година па се до денес, снимени се 741-на епизода. Моментот кога огнот најмногу ќе распламне во оваа серија е кога дејството ќе се префрли 18 години подоцна, таму главните улоги ќе ги имаат децата на Арчана и Манав.

"Огнови на љубовта" е индиска теленовела која излезе од продукцијата на Zee TV. Публиката во Индија за првпат ја виде оваа серија во 2009 година на 01 јуни кога всушност беше закажана и нејзината премиера, Како продуцент на оваа серија се потпиша Ekta Kapoor, истата онаа која ја продуцираше и "Бандини". Серијата е добитник на наградата Special Jury Award која и беше доделена на Seoul International Drama Awards 2010.

Дејствието се концентрира околу убавата Арчана, девојка од средната класа која потекнува од почитувано семејство, но за жал нема среќа во љубовта. Арчана е трудољубива и го живее животот помагајќи им на своите најблиски, иако вредностите кои таа ги поседува не ги гледа никој освен нејзината мајка и братот. Кога таа конечно ќе пронајде некој за себе, некој кој ќе ја цени, љуби и почитува, се случува пресврт кој ќе го промени животот на Арчана и извалка честа на нејзиното семејство.

Не пропуштајте ја љубовната приказна која во последните три години е прогласувана за најгледана серија во Индија.