Презентација на противкандидатот на Меркел во Бундестагот
Поранешниот претседател на Европскиот парламент Мартин Шулц, кој вчера објави дека ќе биде кандидат за канцелар на Германија на изборите што треба да се одржат во септември, денеска ги презентираше неговите планови во битката за канцелар во долниот дом на германскиот парламент.
Според германската новинска агенција ДПА, првиот човек на социјалдемократите во Бундестагот Томас Оперман по пречекот на Шулц изјавил дека тој вистински кандидат за канцелар затоа што „зборува со јазикот на народот“, пренесува дописникот на МИА од Берлин.
Лидерот на СПД Зигмар Габриел вчера најави дека наместо да влезе во битка со Меркел за канцеларската функција ќе ја преземе позицијата министер за надворешни работи од неговиот сопартиец Франк Валтер Штајнмаер кој е заеднички кандидат на СПД и ЦДУ/ЦСУ за иден претседател на Германија.
Според анкетата на истражувачката агенција Форса објавена денеска социјалдемократите имаат поддршка од 21 отсто од гласачите додека сестринските партии ЦДУ/ЦСУ имаат доверба меѓу 37 отсто од избирачкото тело.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка